“Air China” O‘zbekistonda muntazam parvozlar uchun ruxsat oldi

Xitoyning “Air China” aviakompaniyasiga muntazam aviaqatnovlarni amalga oshirish uchun ruxsatnoma berildi.

“O‘zaviatsiya” agentligining xabar berishicha, ruxsatnoma O‘zbekiston va Xitoy o‘rtasida havo qatnovi to‘g‘risidagi hukumatlararo bitimga asosan berildi.

Parvozlar Toshkent—Pekin hamda Urumchi—Toshkent—Urumchi yo‘nalishlarida Boeing-737-800/8 (MAX) va Airbus-330-300/200 samolyotlarida amalga oshiriladi.

“Air China” — Xitoydagi eng yirik aviakompaniyalardan biri bo‘lib, 1988-yilda tashkil etilgan. Kompaniya dunyoning 200 ga yaqin shahariga reyslarni amalga oshiradi. Uning havo kemalari parkida 500 dan ortiq samolyot bor.