O‘zbekistonda aholi egaligidagi avtomobillar soni 4,9 mln donadan oshdi

2026-yilning 1-aprel holatiga O‘zbekistonda jismoniy shaxslarga tegishli avtotransport vositalari soni 4 mln 903,1 mingtaga yetdi. Bu haqda Milliy statistika qo‘mitasi ma’lumotlarida keltirilgan.

Hisobotga ko‘ra, bir yil davomida aholi egaligidagi avtomobillar soni 344,6 mingtaga oshgan.

Ro‘yxatga olingan avtotransport vositalarining asosiy qismini yengil avtomobillar tashkil etib, ularning ulushi jami transport vositalarining 92,8% iga teng bo‘lgan.

2026-yil 1-aprel holatiga jismoniy shaxslarga tegishli transport vositalari quyidagicha taqsimlangan:

• yengil avtomobillar — 4 mln 552,3 ming dona;
• yuk avtomobillari — 330,3 ming dona;
• mikroavtobuslar — 7,5 ming dona;
• maxsus transport vositalari — 7,2 ming dona;
• avtobuslar — 5,8 ming dona.