O‘zbekistonda 2027-yildan 69 turdagi dori vositalari aholiga bepul beriladi

Surunkali kasalliklarni davolash uchun ajratilgan bepul preparatlar ro‘yxati ikki baravardan ko‘proqqa kengaytirildi

Фото: Маргарита Авакян / Kapital.uz

2027-yil 1-yanvardan boshlab O‘zbekistonda aholini bepul dori vositalari bilan ta’minlash dasturi kengaytiriladi. Yangilangan ro‘yxat Lex.uz portalida e’lon qilindi.

Hozirda mamlakat poliklinikalarida bemorlarga 28 turdagi dori vositasi bepul taqdim etiladi. Vakolatli idora tomonidan tasdiqlangan yangi ro‘yxat esa onkologik, endokrin, yurak-qon tomir va ruhiy kasalliklar, shuningdek oshqozon-ichak hamda o‘pka xastaliklarini davolash uchun mo‘ljallangan 69 turdagi preparatni o‘z ichiga oladi.

Dori vositalarini olish uchun fuqarolar avvalo oilaviy shifokorga murojaat qilishi kerak bo‘ladi. Tasdiqlangan ro‘yxatdagi kasallik aniqlangan taqdirda, shifokor elektron retsept rasmiylashtiradi. Shu asosda fuqarolar Davlat tibbiy sug‘urta jamg‘armasi bilan shartnoma tuzgan dorixonalardan dori vositalarini olishlari mumkin bo‘ladi.

Mamlakatning barcha hududlarida reimbersatsiya tizimini joriy etish ishlari 2026-yil oxirigacha yakunlanishi rejalashtirilgan. Yangilangan tartib 2027-yil 1-yanvardan rasman kuchga kiradi.

Dori vositalari ro‘yxati bilan Lex.uz portalida tanishish mumkin.