O‘zbekistonda 460 dan ortiq YHT faoliyati kamchiliklar sababli to‘xtatildi

Tekshiruv jarayonida “O‘zenergoinspeksiya” tomonidan qariyb 47 mingta kamchilik aniqlangan

O‘zbekistonda 460 dan ortiq YHT faoliyati kamchiliklar sababli to‘xtatildi

“O‘zenergoinspeksiya” yoqilg‘ini qabul qilish, saqlash va sotish bilan shug‘ullanuvchi barcha obyektlar — suyultirilgan va siqilgan gaz, benzin va dizel yoqilg‘isi sotuvchi, shu jumladan chakana yoqilg‘i quyish shoxobchalari (YHT) larni to‘liq inventarizatsiyadan o‘tkazdi. Tekshiruvning maqsadi yong‘inlarning oldini olish, fuqarolar xavfsizligini ta’minlash va mehnat muhofazasiga rioya etilishini nazorat qilishdan iborat edi.

Natijada 6 196 ta yoqilg‘i quyish shoxobchasida jami 46 737 ta qonunbuzarlik qayd etildi.

Xususan, quyidagi idoralar tomonidan aniqlangan kamchiliklar soni shunday:

  • Qurilish va uy-joy kommunal xo‘jaligi vazirligi, Kadastr agentligi va sohadagi inspeksiya — 2 118 ta;
  • Favqulodda vaziyatlar vazirligi — 7 949 ta;
  • Sanoat, radiatsiya va yadro xavfsizligi qo‘mitasi — 25 341 ta;
  • Texnik tartibga solish agentligi — 3 354 ta;
  • “O‘zenergoinspeksiya”ning o‘zi — 7 875 ta.

Hozirga qadar aniqlangan kamchiliklarning 7 166 tasi bartaraf etildi. Jiddiy xavfsizlik qoidalarini buzgan 464 ta yoqilg‘i quyish shoxobchasi faoliyati esa vaqtincha to‘xtatildi.

Avvalroq “O‘zenergoinspeksiya” hayot uchun xavf tug‘dirayotgan YHTlarni xavfsizroq hududlarga ko‘chirishni taklif qilgan edi. Shuningdek, besh yildan ortiq ishlatilgan yoki ishlab chiqarilgan muddati noma’lum bo‘lgan bosim ostidagi rezervuarlarni olib kirish va ishlatishni taqiqlash tashabbusi ilgari surilgan.

Moliya va biznes haqida ko'proq yangiliklar Telegram kanalda @KPTLUZ

tg

Mavzu bo'yicha materiallar

Ortiqxo‘jayev nazoratidagi kompaniya Alfraganus mehmonxonalar majmuasini sotib olmoqchi
/
Ortiqxo‘jayev nazoratidagi kompaniya Alfraganus mehmonxonalar majmuasini sotib olmoqchi
Jizzaxdagi 200 gektar maydonda alohida soliq va bojxona rejimi joriy qilinadi
/
Jizzaxdagi 200 gektar maydonda alohida soliq va bojxona rejimi joriy qilinadi
Toshkent — Parkent temiryo‘l liniyasi qurilishiga 535 mlrd so‘m yo‘naltirildi
/
Toshkent — Parkent temiryo‘l liniyasi qurilishiga 535 mlrd so‘m yo‘naltirildi