Hindiston kompaniyasi O‘zbekistonda $10mlnlik loyihani amalga oshiradi

Hindistonning “BMI”, “GVANTGE” kompaniyalari bilan bo‘lib o‘tgan uchrashuvda umumiy qiymati $10 mln bo‘lgan loyiha kelishuviga erishildi. Bu haqida kompaniya vakillari bilan uchrashgan “O‘zcharmsanoat” uyushmasi ma’lum qildi. 

Ushbu loyiha yirik shoxli qoramol suyagini qayta ishlash orqali oziq-ovqat va farmatsevtika sanoati uchun zarur bo‘lgan mahsulotlar ishlab chiqarishni maqsad qiladi.

Muloqotda loyihani amalga oshirishning tashkiliy va iqtisodiy ahamiyati muhokama etildi. Hozirgi kunda qoramol suyagining qayta ishlanishi ko‘plab mamlakatlarda  iqtisodiy va ekologik — yo‘nalishda foyda keltirmoqda. Bu loyiha O‘zbekiston uchun yangi eksport imkoniyatlarini yaratish, shuningdek, ishlab chiqarish jarayonlarini optimallashtirish va yuqori qo‘shimcha qiymatga ega mahsulotlar ishlab chiqarish uchun imkon yaratadi.