O’zbekistondagi «Yevroosiyo banki» boshqaruvi raisi ma’lum bo’ldi

Kanat Abeuov «Yevroosiyo banki» boshqaruvi raisi etib tayinlandi va bankning qimmatli qog’ozlar chiqarish to’g’risidagi qarorida tashkilot rahbari sifatida ko’rsatilgan.

LinkedIn ma’lumotlariga ko’ra, u ilgari Qozog’istonning «Yevroosiyo banki»da g’aznachilik ijrochi direktori va Delta Bank’da g’aznachilik departamenti rahbari lavozimlarida ishlagan.

Qozog’iston «Yevroosiyo bank»ining sho’ba korxonasi bo’lgan «Yevroosiyo Banki» aksiyadorlik jamiyati o’zining birinchi 200 mlrd so’mlik aksiyalarini chiqardi. Davlat ro’yxatidan o’tkazish 20 fevralda amalga oshirildi.

Avvalroq Markaziy bank O’zbekistonda bank faoliyatini amalga oshirish uchun «Yevroosiyo banki» litsenziyasini ro’yxatdan o’tkazgan edi.

«Yevrosiyo banki» – bu Qozog’istonning tijorat bank muassasasi bo’lib, u keng ko’lamli moliyaviy xizmatlarni taqdim etadi. Asosiy ofis Olmaotada joylashgan. 2023 yil 1 noyabrda bank Qozog’iston doirasida 19 ta mintaqaviy filial va 119 ta hisob-kitob-kassa bo’limlari bilan ishlaydi.