Toshkentga yana yangi metro poyezdlari olib kelindi

Fevral oyida yana 3 ta metro poyezdi keltirilishi rejalashtirilgan

Toshkentmetropoliteni

Toshkent metropoliteniga 4-fevral kuni yangi to‘rt vagonli 3 ta zamonaviy metro poyezdlari olib kelindi. Bu haqda “Toshkent metropoliteni” DUK ma’lum qildi.

Xabarga ko‘ra, yo‘nalishlardagi vaqt intervallarini yanada qisqartirish maqsadida, ushbu poyezdlar belgilangan yo‘riqnomaga asosan 9-10 kun davomida texnik sinovdan o‘tkazilib, so‘ngra yo‘lovchilarga xizmat qilishi uchun yo‘nalishlarga chiqariladi.

Fevral oyida yana 3 ta shunday tarkibdagi metro poyezdlari olib kelinishi rejalashtirilgan.

Avvalroq, yanvar oyida 3 ta metro poyezdi olib kelingani haqida xabar berilgandi.