O’zbekistonda samolyotlar va poyezdlarga chiptalar sotish uchun yagona onlayn platforma ishga tushiriladi

Prezidentimiz O’zbekistonda samolyot va poyezdlarga chiptalar sotish uchun yagona onlayn platformani ishga tushirishni buyurdi. Bu haqda prezident matbuot xizmati xabar bermoqda.

Turizmni rivojlantirish masalalari bo’yicha videoselektor yig’ilishida turistlar ichki reyslarga chipta sotib olishda qiyinchiliklarga duch kelayotgani qayd etildi.

Shu munosabat bilan prezident mutasaddilarga barcha reyslar va chiptalarni sotib olish imkoniyatlari to’g’risida ma’lumot berish uchun yagona onlayn platformani yaratishni buyurdi.

O’zbekistonda sayohatdan olti oy oldin tabaqalashtirilgan narxlarda chiptalarni sotish tizimi joriy etiladi.

Bundan tashqari, Shavkat Mirziyoyev rasmiylarga chegarani kesib o’tish jarayonini soddalashtirish uchun xorijiy hamkasblari bilan muzokaralar olib borishni buyurdi.