Xitoy kompaniyasi Namangan viloyatida mis qazib olish va qayta ishlashga $200 mln sarmoya kiritadi

Xitoyning «China Mining Energy Group» kompaniyasi Namangan viloyatida mis qazib olish va qayta ishlashga 200 mln sarmoya kiritadi. Bu haqda kompaniya vakili Lyu Fan Yuan O’zbekiston 24 telekanaliga bergan intervyusida ma’lum qildi. 

Eslatib o’tamiz, 25 mart kuni prezidentga Namangan viloyatida qurilish materiallari, elektrotexnika, kimyo, to’qimachilik va oziq-ovqat sanoati, farmatsevtika, tibbiyot, konchilik va baliqchilik kabi sohalardagi jami 47 ta loyihadan jami $2 mlrdlik 17 ta loyiha taqdim etildi.

Bundan tashqari, kompaniya Chust tumanidagi mis konlarini o’zlashtirishni rejalashtirmoqda. Aprel oyida Xitoy kompaniyasining mutaxassislari kelishadi va geologiya-qidiruv ishlarini boshlashadi, shundan so’ng investitsiyalarni jalb qilish boshlanadi. Loyihaning ishlab chiqarish quvvati yiliga 30 ming tonnaga baholanib, budjetga 121 mlrd so’m mablag’ sarflash imkonini beradi. Investitsiya loyihasini amalga oshirish 420 ta yangi ish o’rinlarini yaratishni o’z ichiga oladi.

Direktor Lyu Fan Yuanning so’zlariga ko’ra, «China Mining Energy Group» 2003 yilda tashkil etilgan bo’lib, uning aktivlari $32 mlrd, 40 ming xodim va 17 mamlakatda oltin, mis va alyuminiy qazib olish bilan shug’ullanadi.