Markaziy bank uchta yangi mikromoliya tashkilotini reyestrga kiritdi

Markaziy bank huzuridagi Bank nazorati qo‘mitasi mikromoliya tashkilotlari faoliyatini amalga oshiruvchi tashkilotlar reyestriga kiritish maqsadga muvofiqligi bo‘yicha navbatdagi 27/5, 27/6 va 27/9-sonli qarorlarni qabul qildi.

Unga ko‘ra, quyidagi jamiyatlar mikromoliya tashkiloti sifatida reyestrga kiritildi:

• “FINCOM INVEST MIKROMOLIYA TASHKILOTI” MChJ
• “VAFO MOLIYA” MChJ
• “QANOT FINANS MIKROMOLIYA TASHKILOTI” MChJ

Markaziy bank ushbu tashkilotlar endilikda mikromoliya faoliyatini amalga oshirish huquqiga ega ekanini ma’lum qildi.

Mamlakatda faoliyat olib borayotgan mikromoliya tashkilotlari soni 127 taga yetdi.