2024-yilda O‘zbekistonda temir yo‘l orqali jo‘natilgan yuk hajmi 73,9 mln tonnaga yetdi 

2024-yilda O‘zbekiston Respublikasi bo‘ylab umumiy foydalanishdagi magistral temir yo‘l transportida 73,9 mln tonna asosiy turdagi yuklar jo‘natilgan. 2023-yilga nisbatan o‘sish sur’ati 100,3% ni tashkil etgan. Bu haqda Transport vazirligi ma’lum qilmoqda. 

So‘nggi yillarda temir yo‘l orqali jo‘natilgan yuk hajmining dinamikasi quyidagicha bo’lgan:

• 2020-yil — 70,6 mln tonna;
• 2021-yil — 72,0 mln tonna;
• 2022-yil — 73,4 mln tonna;
• 2023-yil — 73,7 mln tonna;
• 2024-yil — 73,9 mln tonna.

Yuk jo‘natish hajmining o‘sishiga olib keluvchi asosiy omillar:

• Temir yo‘l infratuzilmasini rivojlantirish;
• Logistika jarayonlarini optimallashtirish;
• Yuk jo‘natuvchilar uchun xizmat ko‘rsatish sharoitlarini yaxshilash;
• Xalqaro transport yo‘laklarini kengaytirish.

Transport vazirligi mamlakat iqtisodiyoti uchun samarali va ishonchli logistikani ta’minlagan holda temir yo‘l transportini yanada rivojlantirish bo‘yicha chora-tadbirlarni amalga oshirishni davom ettiradi.