Yaponiyaning “Sojitz” kompaniyasi Samarqandda ko‘p tarmoqli tibbiyot markazi quradi

Davlat-xususiy sheriklik doirasida barpo etiladigan muassasa 800 o‘ringa mo‘ljallangan

Yaponiyaning “Sojitz” kompaniyasi Samarqand shahrida 800 o‘rinli zamonaviy ko‘p tarmoqli tibbiyot markazini qurishni rejalashtirmoqda. Bu haqda viloyat matbuot xizmati ma’lum qildi.

Inshoot “Shirin” turar-joy massivida davlat-xususiy sheriklik (DXSH) asosida bunyod etiladi.

Loyiha Samarqand viloyati hokimi vazifasini bajaruvchi Adiz Boboyevning “Sojitz” vakili Yasuxide Matida bilan o‘tkazgan muzokaralari davomida muhokama qilindi. Tomonlar sog‘liqni saqlash sohasidagi hamkorlik istiqbollarini, xususan, tibbiyot muassasalarini zamonaviy jihozlar bilan ta’minlash, raqamli texnologiyalarni joriy etish va kadrlar tayyorlash masalalarini ko‘rib chiqdilar.