Toshkentdagi Raqobat qo‘mitasi binosi kimoshdi savdosiga qo‘yildi

Davlat aktivlarini boshqarish agentligi Toshkent shahrining Shayxontohur tumanidagi maʼmuriy binoni kimoshdi savdosiga qoʻydi, deb xabar beradi E-auksion.

1956-yilda qurilgan to‘rt qavatli bino Labzak ko‘chasi bo‘ylab, Abdulla Qodiriy ko‘chasi va “Anhor-Lokomotiv” bog‘i chorrahasida joylashgan. Hozirda bino Raqobatni rivojlantirish va iste’molchilar huquqlarini himoya qilish qo’mitasi joylashgan.

Binoning umumiy maydoni 4075 kvadrat metr bo’lib, suv, kanalizatsiya va elektr energiyasi bilan ta’minlangan. Xaridor shaharsozlik hujjatlariga muvofiq joyda ofis va xizmat ko’rsatish ob’ektlarini tashkil etish majburiyatini oladi.

Raqobat qo‘mitasi oldi-sotdi shartnomasi imzolangandan keyin uch yil ichida binoni bo‘shatadi. Agar agentlikning Yangi Toshkentdagi ofisi qurilishi muddatidan avval yakunlansa, binolar muddatidan oldin bo‘shatiladi.

Lotning boshlang‘ich bahosi – 58,61 mlrd so‘m. Auktsion 18-dekabr kuni soat 10:00 da bo’lib o’tadi, takliflar shu kuni soat 9:00 ga qadar qabul qilinadi.

Mazkur lot Vazirlar Mahkamasining joriy yil 7-martdagi qaroriga asosan sotilmoqda.