O’zbekistonda tezyurar poyezdlarga chiptalar narxi oshadi

O’zbekistonda joriy yilning 1 iyulidan boshlab mahalliy «Nasaf», «Sharq», «O’zbekiston» yo’lovchi poyezdlariga chiptalar tariflari 25%ga oshiriladi. Bu haqda «O’zbekiston temir yo’llari» xabar bermoqda.

Bu yo’lovchi poyezdlarida qo’shimcha xizmatlarni joriy etish, vagonlar parkini yangilash va modernizatsiya qilish, yangi elektr poyezdlarini sotib olish va vokzallarni yangilash uchun amalga oshiriladi.

Masalan, Toshkent-Qarshi №12-marshrutda narxlar quyidagicha o’zgaradi: 

• ekonom-klass — 150,6 ming so’mdan 178,2 ming so’mgacha;
• biznes-klass — 218,2 ming so’mdan 262,8 ming so’mgacha.