Prezident administratsiyada ustuvor yo‘nalishlar va yirik loyihalar tahlil qilindi

Administratsiya jamoasi bilan ustuvor yo‘nalishlar va yaqin kelajakda amalga oshirilishi mumkin bo‘lgan yirik loyihalar bo‘yicha tahliliy muhokama o‘tkazildi. Bu haqda Saida Mirziyoyeva o‘zining Telegram kanalida ma’lum qildi.

Uning ta’kidlashicha, jamoa ish jarayonida muntazam ravishda ochiq formatdagi muhokamalardan foydalanadi. Bunday uchrashuvlarda ustuvor vazifalar belgilanib, dolzarb masalalar tahlil qilinadi va turli yechimlar ko‘rib chiqiladi.

Har bir mavzuning jamoa ishtirokida muhokama qilinishi vaziyatni kengroq baholash, yangi imkoniyatlarni aniqlash va maqbul yondashuvlarni ishlab chiqishga yordam beradi.

Muhokamalar yakunida aniq vazifalar belgilanib, Prezident Shavkat Mirziyoyevga taqdim etiladigan asoslangan takliflar jamlanadi.

Kapital.uz avvalroq adminstratsiya rahbari xorijiy tillarga ixtisoslashtirilgan maktab-internat faoliyati bilan tanishgani haqida xabar bergandi.