“O‘zRTXB” ning 40% aksiyalari O‘zbekiston Milliy fondiga o‘tkazildi

DavAktiv bu haqda qarorni 1-mayda qabul qilgan

Фото: UzEx

2025-yil 1-may kuni Davlat aktivlarini boshqarish agentligi tomonidan “O‘zbekiston respublika tovar-xomashyo birjasi” AJ aksiyalarining 40,0% qismi O‘zbekiston Milliy fondiga o‘tkazildi.

Fondning investitsiya portfeli bo‘yicha ishonchli boshqaruvchisi “Franklin Templeton“ hisoblanadi. U aktivlarning investitsiyaviy jozibadorligini oshirishga qaratilgan transformatsiya dasturlarini amalga oshiradi.

Tegishli o‘zgarishlar yakunlangach, fond aksiyalari, shuningdek uning boshqaruvidagi korxona va banklar aksiyalari milliy va xalqaro fond bozorlarida joylashtirilishi rejalashtirilgan.

Kapital.uz avvalroq “O‘zRTXB” foydasi yanvar-mart oylarida 22,5% ga oshgani haqida xabar bergandi.

Moliyaviy faoliyatdan olingan daromadi 40,1 mlrd so‘mdan 49,7 mlrd so‘mga yetgan.