“O‘zbekneftgaz” ning 3 yilllik moliyaviy hisobotlari qariyb 50 mln so‘mga audit qilinadi

Bunda auditorlik tashkiloti sifatida “KPMG Audit” MCHJ tanlangan

Фото: Абдумавлон Мадмусаев / Kapital.uz

20-yanvar kuni “O‘zbekneftgaz” AJ aksiyadorlarining navbatdan tashqari yig’ilishi bo‘lib o‘tdi. Bu haqda ILMA rasmiy sahifasida ma’lum qilindi.

Unda “O‘zbekneftgaz” AJning moliyaviy hisobotini 3 yil davomida majburiy auditorlik tekshiruvidan o‘tkazish uchun auditorlik tashkilotini va uning xizmatlari uchun to‘lanadigan eng ko‘p haq miqdorini belgilash masalasi muhokama qilingan.

Qarorga kora, “O‘zbekneftgaz” AJning 2024-2026-yillar yakuni bo‘yicha MHXSga muvofiq tuzilgan konsolidatsiyalashgan moliyaviy hisobotini majburiy tekshiruvidan o‘tkazish uchun “KPMG Audit” MCHJ auditorlik tashkiloti tanlandi.

Kompaniyaning bu xizmatiga to‘lanadigan eng ko‘p miqdori 48,9 mln (QQS bilan) so‘m etib belgilangan.