O‘zbekiston va Slovakiya o‘rtasida qo‘shma deklaratsiya qabul qilindi

9-iyun kuni O‘zbekiston Respublikasi Prezidenti Shavkat Mirziyoyev va Slovakiya Respublikasi Bosh vaziri Robert Fitso Strategik sheriklik munosabatlarini o‘rnatish to‘g‘risidagi qo‘shma deklaratsiyani imzoladi.

Shuningdek, quyidagi ikki tomonlama hujjatlar imzolandi:

• diplomatik kadrlar tayyorlash to‘g‘risida;
• qishloq xo‘jaligi sohasidagi hamkorlik to‘g‘risida;
• standartlashtirish, metrologiya va tovarlarning muvofiqligini baholash sohasidagi hamkorlik to‘g‘risida;
• energetika bozorlarini tartibga solish sohasidagi hamkorlik to‘g‘risidagi bitimlar;
• 2025-2026-yillarga mo‘ljallangan tashqi ishlar vazirliklari o‘rtasidagi hamkorlik dasturi;
• 2025-2026-yillarga mo‘ljallangan standartlashtirish sohasidagi hamkorlik dasturi.

Kapital.uz avvalroq O‘zbekiston va Italiya o‘rtasida strategik sheriklikni mustahkamlash bo‘yicha deklaratsiya imzolangani haqida yozgandi. Italiya bosh vaziri Jorja Meloni tashrifi doirasida beshta yo‘nalishda hujjatlar qabul qilingandi.