Dunyoda oltin narxi rekordni yangilab, $4 400 dan oshdi

Comex tovar birjasida qimmatbaho metallar fyucherslari bo‘yicha narxlar rekord ko‘rsatkichlarni qayd etdi. Bu haqda ТАСС agentligi xabar berdi.

22 dekabr holatiga ko‘ra, oltin fyucherslarining birja narxi bir troya unsiyasi uchun $4 428,5 ga yetdi. 2025 yil boshidan buyon ushbu aktivlar sezilarli o‘sishni namoyish etdi: oltin 62,82% ga, kumush esa 137,27% ga qimmatlashdi.

Jahon bozoridagi ushbu dinamika O‘zbekistonda ham o‘lchovli oltin quymalari narxlarining oshishiga sabab bo’ldi. Xususan, noyabr o‘rtalaridan buyon respublikada oltin narxi qariyb 5% ga oshdi.

Natijada:

• 5 grammli oltin quymasi — 8,71 mln so‘m,
• 10 grammli — 17,43 mln so‘m,
• 20 grammli — 34,87 mln so‘m,
• 50 grammli — 87,17 mln so‘m,
• 100 grammli quymalar esa 174,35 mln so‘mdan sotilmoqda.