“Nvidia” kompaniyasining kapitallashuvi bir kunda deyarli $280 mlrdga tushdi

“Nvidia” kompaniyasining kapitallashuvi atigi bir kun ichida $279 mlrdga tushib ketdi, bu AQSh fond bozori tarixidagi rekord kunlik pasayish bo’ldi. Bu haqda “Yahoo” xabar berdi Yahoo.

“Bloomberg” ma’lumotlariga ko’ra, AQSh Adliya vazirligi AQShning yarimo’tkazgich ishlab chiqaruvchi “Nvidia” kompaniyasiga monopoliyaga qarshi qonunlarning buzilishini tasdiqlovchi dalillarni topish uchun chaqiruv qog’ozi berdi.

Monopoliyaga qarshi qo’mita “Nvidia” boshqa sotuvchilarga o’tishni qiyinlashtirayotgani va faqat sun’iy intellekt uchun chiplaridan foydalanmaydigan mijozlarni jarimaga tortayotganidan xavotir bildirmoqda, deya xabar beradi anonim manbalar.

Seshanba kuni rekord darajadagi $280 mlrd zarar ko’rgan “Nvidia” aksiyalari “Bloomberg” tomonidan chaqiruv qog’ozi e’lon qilinganidan keyin kechki savdolarda yanada pasayib ketdi. Biroq, kompaniyaning aksiyalari bu yil chip savdosining tez o’sishi tufayli ikki baravar qimmatlashdi.

“Bloomberg” iyun oyida xabar bergan tergovning bir qismi sifatida tergovchilar boshqa texnologiya kompaniyalaridan ma’lumot so’rashdi. Tergov San-Frantsiskodagi Adliya vazirligi tomonidan olib borilmoqda, deydi manbalar. Adliya vazirligi vakili izoh berishdan bosh tortdi.

Ilgari shunga o’xshash antirekord “Meta” tomonidan 2022-yil fevral oyida o’rnatilgan bo’lib, uning qiymati kuniga $232 mlrdga kamaygan. Yozish paytida “Nvidia”ning kapitallashuvi $2,64 trln, 29 avgustda esa $3,09 trln.

“Nvidia” aksiyalari qiymatining pasayishidan so’ng, boshqa kompaniyalarning qimmatli qog’ozlari ham tushib ketdi:“SK Hynix”, “Intel”, AMD, “Marvell”, “Tokio electron” va “Advantest” — 8%. “Arm” chip ishlab chiqaruvchisining ulushiga ega bo’lgan “Softbank” investitsiya xoldingining aksiyalari 7,7%ga kamaydi.

“Broadcom”, “Qualcomm” и “Taiwan Semiconductor Manufacturing Company” (TSMC) qimmatli qog’ozlari  5-7% tushdi, “Samsung” va “Hon Hai Precision Industry” (Foxconn)ning aksiyalari esa 3% tushdi.