Nurafshonda sanoat texnoparki quriladi

Toshkent viloyati va Nurafshon shahar hokimliklari mahalliy tadbirkorlar bilan hamkorlikda prezident qarori loyihasini tayyorladilar. Bu haqda strategik islohotlar agentligi xabar bermoqda.

Nurafshonda “Nurafshon sanoat va tashqi savdo texnoparki” maxsus sanoat zonasi tashkil etiladi.

Texnopark hududida aholi uchun ijtimoiy, servis va infratuzilma ahamiyatiga ega obyektlar va balandligi 2 dan 7 qavatgacha bo’lgan ishlab chiqarish binolari qurilishi nazarda tutilgan. Ushbu binolarda $720 mlnlik investitsiya loyihalarini amalga oshirish rejalashtirilgan.

Nurafshon investitsiya kompaniyasini tashkil etish sanoat va xizmat ko’rsatish sohasida qo’shma loyihalarni amalga oshirishga hamda shahar munitsipal mulki obyektlaridan foydalangan holda yangi ish o’rinlari yaratishga qaratilgan.

Renovatsiya dasturi doirasida 1950-1960 yillarda Nurafshondagi “Toshkent yo’li” va “Xurramlik” ko’chalarida qurilgan bir va ikki qavatli uylarni ming xonadonga mo’ljallangan ko’p qavatli turar joy majmualari va tijorat binolari bilan almashtirish rejalashtirilgan.

20 gektar maydonda (ilgari ishlatilgan “To’ytepa to’qimachilik” bino va inshootlari) “birlik” mahallasida $320 mlnlik investitsiya loyihalari amalga oshiriladi.

“Nurafshon Business City” hududidagi 0,45 gektar maydonda ko’p qavatli mehmonxona va savdo-ko’ngilochar markaz qurilishi rejalashtirilgan. Shuningdek, “Nurafshon Business City” hududida 6 gektarlik ko’p qavatli uylar, bolalar bog’chasi va bolalar maydonchasini qurish rejalashtirilgan. 

“Oybek” mahallasidagi “Xurramlik” ko’chasi savdo-servis ko’chasiga aylantiriladi. Birlik mahallasida 11,8 gektar maydonda qishloq xo’jaligi mahsulotlarini saqlash va sotish uchun ekomarket va avtosalon quriladi.

Vazirlik va idoralarning Toshkent viloyatidagi barcha viloyat bo’linmalarining ma’muriy binolari Toshkentdan Nurafshonga ko’chiriladi.

Bundan tashqari, Toshkent va Nurafshon o’rtasidagi transport yuklamasi kamaytiriladi, yo’l harakati xavfsizligi darajasi oshiriladi va Toshkent va Toshkent viloyati o’rtasida transport infratuzilmasini kengaytirish bo’yicha davlat-xususiy sheriklik asosida joriy yil oxirigacha tender o’tkazish konsepsiyalari ishlab chiqiladi.