Bir oyda qariyb mingta tadbirkorlik subyekti 178,7 mlrd soʻmlik imtiyozdan foydalandi

Sentabrdan buyon klasterlar, toʻqimachilik va tikuv-trikotaj sanoati korxonalari uchun 1% lik ijtimoiy soliq stavkasi amal qilib kelmoqda

Foto: Prezident matbuot xizmati

O‘zbekistonda joriy yil sentabr oyida 936 ta subyekt ijtimoiy soliq boʻyicha imtiyozdan foydalandi. Bu haqda Soliq qoʻmitasi xabar qildi.

2025-yil 1-sentabrdan boshlab klasterlar, toʻqimachilik va tikuv-trikotaj sanoati korxonalari uchun uch yil muddatga ijtimoiy soliq stavkasi 1% etib belgilangandi.

Shunga ko‘ra, bir oyda 936 ta korxona 178,7 mlrd soʻmlik imtiyozdan foydalangan. Bunda imtiyoz soliq hisobotini shakllantirishda soliq toʻlovchi tomonidan toʻgʻridan toʻgʻri qoʻllaniladi, yaʼni hisobchi tomonidan belgilanadi.