Midasbuy platformasi O‘zbekistonda rasman ro‘yxatdan o‘tdi

O‘yin ichidagi xaridlar platformasi xorijiy kompaniyalar reyestriga qo‘shildi

Xitoyning “Tencent” kompaniyasi O‘zbekistonda qo‘shilgan qiymat solig‘i (QQS) to‘lovchisi sifatida ro‘yxatdan o‘tgan Midasbuy platformasini rasman tasdiqladi. Bu haqda Hududlararo soliq inspeksiyasi ma’lum qildi.

Midasbuy PUBG Mobile, Honor of Kings, Brawl Stars, Delta Force va boshqa mashhur onlayn o‘yinlar uchun o‘yin ichidagi valyuta va mahsulotlarni sotib olish imkoniyatini beradi. Platforma ushbu o‘yinlar uchun rasmiy do‘kon vazifasini bajaradi.

24 iyul kuni “Tencent Holdings” tarkibiga kiruvchi “High Morale Developments Limited” kompaniyasi O‘zbekistonda soliq to‘lovchi sifatida ro‘yxatdan o‘tdi. U reyestrga kiritilgan 72-xorijiy tashkilotga aylandi.

Yil boshidan buyon ro‘yxatga Alibaba Cloud, eBay, OpenAI, Bloomberg, Coursera, Canva va kabi 15 ta xorijiy kompaniya ham qo‘shildi.