“The Wall Street Journal” Ilon Maskni dunyodagi eng boy odam deb topdi

“The Wall Street Journal” “supermilliarderlar” ning yangi reytingini e’lon qildi. 

24 ta pozitsiyani o‘z ichiga olgan reytingga ko‘ra, 2025-yil fevral holati bo‘yicha boyligi $419,4 mlrdga baholangan Mask dunyodagi eng boy odam hisoblanadi.

Undan tashqari reytingga Amerikaning Amazon onlayn-riteyleri asoschisi Jeff Bezos ($263,8 mlrd), Fransiyaning hashamatli buyumlar ishlab chiqaruvchi LVMH egasi Bernar Arno ($238,9 mlrd), Amerikaning Oracle Corporation dasturiy ta’minot ishlab chiqaruvchisi asoschilaridan biri Larri Ellison ($237 mlrd) va Meta korporatsiyasi rahbari Mark Sukerberg ($220,8 mlrd) kiritilgan.

Reytingda oltinchi o‘rinni $160,5 mlrd boyligi bilan Google hammuassisi Sergey Brin egallagan.

Wall Street Journal’ning aniqlik kiritishicha, dunyodagi eng boy 24 nafar kishining umumiy boyligi $3,3 trlnni tashkil qiladi. Ulardan 16 nafarining boyligi $100 mlrddan oshadi.