O’zbekistonda 5 mln tonnadan ortiq ko’mir qazib olish rejalashtirilgan

O’zbekistonda yilning ikkinchi yarmida 5 mln tonnadan ortiq ko’mir qazib olish rejalashtirilgan. Bu haqda prezident matbuot xizmati xabar bermoqda.

Ushbu hajmdan 1,8 mln tonna issiqlik elektr stansiyalariga yo’naltiriladi, 1 mln tonnadan ortiq aholiga yetkazib beriladi, 540 ming tonna ijtimoiy muassasalarga beriladi, yana 1,8 mln tonna mahalliy ko’mir birja savdolariga qo’yiladi.

Umuman olganda, joriy yilda ko’mir qazib olish o’tgan yilga nisbatan 1,4 mln tonnaga oshishi va import hajmi sezilarli darajada kamayishi kutilmoqda.