Raqobat qo‘mitasi “Jizzax suv ta’minoti” kompaniyasiga nisbatan noqonuniy tariflar uchun ish qo‘zg‘atdi

Raqobat va iste’molchilar huquqlarini himoya qilish qo‘mitasi “Jizzax suv ta’minoti” AJ kompaniyasiga nisbatan ish qo‘zg‘atdi. Bu haqida Qo‘mita rasmiy sahifasida ma’lum qilgan.

Tekshiruv davomida tariflar qo‘llanish tartibi buzilishi tufayli 4 ulgurji va 573 xususiy iste’molchidan ichimlik suvi yetkazib berish xizmatlari uchun 151,1 mln so‘m, kanalizatsiya xizmatlari uchun esa 17,6 mln so‘m noqonuniy undirilgani aniqlangan. Umumiy noqonuniy daromad miqdori 168,8 mln so‘mni tashkil qilgan.

Qo‘mita ushbu ma’lumotlar asosida ish qo‘zg‘atib, kompaniyaga jarima solgan va iste’molchilarga 168,8 mln so‘mni qayta hisob-kitob qilish bo‘yicha tegishli ko‘rsatma bergan.