O’zbekiston Jahon banki indeksida 62-o‘rinni egalladi

Jahon bankining “Statistika faoliyati samaradorligi indeksi”ning 2023-yil natijalari keng jamoatchilikka e’lon qilindi. Bu haqda Statistika agentligi ma’lum qilindi.

Unga ko‘ra, O‘zbekiston 80,3 ball to‘plab, 217 ta mamlakat orasidan 62-o‘rinni egalladi. MDH mamlakatlari orasida esa 4-o‘ringa ko‘tarilgan. 2022-yili O’zbekiston mazkur xalqaro reytingda 74,1 ball to‘plab 79 o‘rinni egallagandi.

Ushbu indeks mamlakatning statistik salohiyati, erishayotgan yutuqlari va milliy statistika tizimini rivojlantirish borasida olib borayotgan islohotlari natijalari asosida shakllantiriladi.