Ilon Mask boyligi $400 mlrddan oshgan birinchi odamga aylandi

“SpaceX” va “Tesla” asoschisi Ilon Mask tarixda sof kapitali $400 mlrddan oshgan birinchi odam bo‘ldi. Bu haqida “Bloomberg” nashri xabar berdi. 

“Bloomberg Billionaires Index”ga ko‘ra, “SpaceX” aksiyalarining sotilishi Maskning sof kapitalini taxminan $50 mlrdga — $439,2 mlrgacha oshirdi. 

“Forbes” jurnali esa hozircha Maskning boyligini $367,5 mlrd darajasida qayd etmoqda. Shunga qaramay u hamon jurnal milliarderlari reytingida birinchi o‘rinda qolmoqda.

2022-yil oxirida Maskning kapitali $200 mlrddan ko‘proqqa qisqargandi, biroq so‘nggi paytlarda u yana o‘sishni boshlagan. Xususan, Donald Trampning AQSH saylovlardagi g‘alabasidan keyin keskin sezilarli o‘sdi.

Bundan tashqari, Maskning “SpaceX” kompaniyasi hozirda $350 mlrdga baholanmoqda. “Bloomberg” ning yozishicha, “SpaceX” dunyodagi eng qimmat xususiy startapga aylangan.