Toshkentda ikkilamchi uylar narxi yil davomida chorakka oshdi — ITIM

Yil boshidan buyon 22,2 mingta ko’chmas mulk oldi-sotdi bitimlari imzolandi. O’tgan oyga nisbatan bu ko’rsatkich 2%ga oshdi. Bu haqda iqtisodiy tadqiqotlar va islohotlar markazi xabar bermoqda.

Yil boshida faollik pasaygan bir qator mintaqalarda fevral oyida to’liq tiklanish sodir bo’ldi. Ayniqsa, yuqori o’sish sur’ati Toshkentda – 14%, Andijon – 16% va Farg’ona – 13% viloyatlarda qayd etildi.

Uy-joy ijarasi bozori

Toshkent uy-joy ijarasi bozorida narxlarning pasayishi sekinlashdi. Yanvar oyida narxlar 2,2% ga, fevralda esa atigi 1,1% ga tushdi va endi kvadrat metr uchun o’rtacha narx  $8,9 ni tashkil etadi.

Yil davomida ijara narxlarining eng katta pasayishi Olmazor, Shayxontohur va Yakkasaroy tumanlarida yuz berdi, ular 13-18% ga kamaydi.

Ammo so’nggi bir oy ichida Bektemir va Shayxontoxur tumanlarida ijara narxi mos ravishda 3,5% va 2,5% ga ko’tarildi.

Yashnobod va Chilonzor tumanlarida narxlar mos ravishda 6,3% va 5,7% ga tushgan.

Ijara uchun eng qimmat joylar — Shayxontohur, Yakkasaroy va Mirobod, bu yerda narxlar har kvadrat metr uchun o’rtacha $11 ni tashkil qiladi.

Uchtepa, Sergeli va Bektemir tumanlarida arzonroq uy-joylarni topish mumkin, bu yerda narxlar kvadrat metr uchun $6 dan $8 gacha.

Ikkilamchi bozor

Fevral oyida ikkilamchi uy-joy bozorida narxlarning 0,8% ga o’sishi kuzatildi. Yil davomida narxlar 14,1% ga oshdi. Eng muhim o’sish Toshkent (26,0%), Buxoro (24,1%) va Andijon (24,0%) viloyatlarida qayd etildi.

Toshkentda bir oy ichida ikkilamchi uy-joylarning o’rtacha narxi 1,6% ga oshib, kvadrat metr uchun $1140 ni tashkil etdi. Narxlarning sezilarli o’sishi uchta poytaxt hududida qayd etildi: Mirobod, Yashnobod va Yakkasaroy, bu yerda narxlar 2-6% ga oshdi.

Shunga qaramay, Bektimir va Uchtepa tumanlarida «ikkilamchi» narxlar mos ravishda 1,1% va 0,4% ga pasaydi.

Umuman olganda, bir yil ichida poytaxtda ikkilamchi uy-joy bozorida narxlar 17,3% ga oshdi, ammo o’sish sur’ati 2,7 foiz punktga sekinlashdi.