Gruziya xorijiy turistlar uchun yangi kirish tartibini joriy etdi

Gruziyaga kiruvchi barcha xorijiy fuqarolar mamlakatda bo‘lish davrini to‘liq qamrab oluvchi sug‘urta polisiga ega bo‘lishi shart bo‘ladi. Bu haqda Uzbekistan Airways matbuot xizmati xabar berdi.

Sug‘urta polisi mavjud bo‘lmasa, 300 lari (taxminan 1,3 mln so‘m) miqdorida jarima qo‘llanadi. Hujjat ingliz yoki gruzin tilida rasmiylashtirilishi va butun tashrif davri davomida amal qilishi lozim.

Minimal sug‘urta qamrovi quyidagicha belgilangan:

• shoshilinch ambulator xizmatlar — kamida $5 ming;
• statsionar davolanish (jumladan, baxtsiz hodisalar, jarohatlar va repatriatsiya) — kamida $30 ming.

Tog‘li hududlarga tashrif uchun alohida talablar mavjud.

Polisni o‘zingiz bilan elektron shaklda (smartfonda) yoki bosma ko‘rinishda olib yurish kerak. Hujjat chegarada yoki mamlakat ichida huquqni muhofaza qiluvchi organ xodimlari tomonidan tekshirilishi mumkin.