O‘zbekistonda avtomobilga gaz ballon o‘rnatish ruxsatnomasini olish soddalashtirildi

Haydovchilar onlayn ariza to‘ldirib, uni YHXX ga yuborishlari kerak

Endilikda fuqarolar my.gov.uz orqali avtomobilga gaz ballon o‘rnatish uchun ruxsatnomani olishlari mumkin. Bu haqda my.gov.uz xizmati Telegram sahifasida ma’lum qildi.

Ariza bermoqchi bo‘lgan fuqarolar onlayn tarzda arizani to‘ldirib, uni Yo‘l harakati xavfsizligi xizmatiga (YHXX) yuborishlari kerak. Ariza YHXX xodimlari tomonidan ko‘rib chiqilgach, natijasi my.gov.uz dagi shaxsiy kabinetga yuboriladi.

Xizmat ko‘rsatilishi uchun to‘lov – 112 500 so‘m (0,3 BHM) etib belgilangan.