BYD elektr transport vositalarining O’zbekistonga importi cheklanishi mumkin

O’zbekiston BYD elektr transport vositalarini mamlakatning iqlim va yo’l sharoitlariga yaroqsizligi sababli import qilishga cheklovlar qo’ymoqchi. Bu haqda Gazeta.uz, O’zbekistonda elektr va gibrid transport vositalari va ularning butlovchi qismlarini ishlab chiqarishni tashkil etish bo’yicha investitsiya shartnomasini tasdiqlash to’g’risida prezidentning 18 martdagi qaroriga asoslanib xabar beradi.

Hujjatda ta’kidlanishicha, investor (BYD) hukumatdan mahalliy iqlim va yo’l sharoitlariga mos kelmaydigan va rasmiy kafolatga ega bo’lmagan elektr transport vositalarining tartibsiz importini cheklashni so’ragan.

Iqtisodiyot va moliya vazirligi, investitsiyalar, sanoat va savdo vazirligi hamda «O’zavtosanoat» AJ amaldagi qonun hujjatlariga, shu jumladan raqobat to’g’risidagi normalarga hamda Jahon savdo tashkiloti prinsiplariga muvofiq BYD brendi ostida elektr va gibrid avtomobillar importini cheklash bo’yicha takliflarni Vazirlar Mahkamasiga 1-iyulga qadar taqdim etishi shart.

Eslatib o’tamiz, o’tgan yilning sentyabr oyida «O’zavtosanoat»» va BYD Europe B. V. (Niderlandiya) kompaniyalari elektromobillar ishlab chiqarish uchun BYD Uzbekistan Factory nomli qo’shma korxona tashkil etishgan. «O’zavtosanoat»ning ulushi 60%, BYD Europe B. V. esa 40% ni tashkil qiladi. Korxonaning ustav kapitali 55 mlrd so’mni tashkil etadi.