Yangi yil arafasi Toshkentda avtobuslar harakatlanish jadvali uzaytiriladi

Toshkent shahrida avtobuslar 31 dekabdan 1-yanvarga o‘tar kechasi soat 1:00 ga qadar harakatlanadi. Bu haqda Toshkent shahri transport bosh boshqarmasi xabar qildi.

1-yanvardan 4-yanvar kuniga qadar shahar avtobus yo‘nalishlarida qatnovlar yakshanba kuni uchun belgilangan ish tartibi asosida tashkil etiladi.

Avvalroq metro ham 1-yanvarga o‘tar kechasi Toshkent metrosi soat 1:00 gacha ishlashi haqida xabar berilgandi.