Chekka hududlarda o‘quv markazlarini ochgan yoshlarga 120 mlngacha foizsiz ssuda beriladi

Xorijiy tillarda “C1“  darajasiga ega bo‘lgan yoshlar chekka va olis hududlarda xorijiy tillarga ixtisoslashgan o‘quv markazlarini ochishlari mumkin bo‘ladi. Bu haqda Shavkat Mirziyoyev yoshlar bilan bo‘lgan uchrashuvda ma’lum qilindi. 

Ta’kidlanishicha, bunday yoshlar uchun 120 mln so‘mgacha foizsiz ssuda berilishi belgilandi.

Shuningdek, mehnat bozoriga til biladigan yoshlarni jalb qilish maqsadida xususiy o‘quv markazlarida xorijiy tillarni o‘rganadigan yoshlar uchun o‘quv xarajatlarining bir qismi davlat tomonidan qoplanadi. “2+6” shaklida belgilangan bu qo‘llab-quvvatlash dasturi doirasida, o‘quvchilarning dastlabki 2 oyi o‘z mablag‘lari hisobidan, qolgan 6 oyi esa davlat tomonidan to‘lanadi.