Toshkentda $1,5 mlrdga sanoat zonasi tashkil etiladi

664,5 gektar maydonda 2500 ta yangi ish o'rni paydo bo'ladi

Toshkentda $1,5 mlrdga sanoat zonasi tashkil etiladi

27 fevral kuni prezident Shavkat Mirziyoyevga Toshkentda sanoat va xizmat ko’rsatish sohasini rivojlantirishga qaratilgan hujjatlar loyihalari taqdim etildi. Bu haqda davlat rahbarining matbuot xizmati xabar bermoqda.

Tadbirkorlarning investitsiya loyihalarini amalga oshirishni soddalashtirish maqsadida Toshkentda «Toshkent investitsiya kompaniyasi» aksiyadorlik jamiyati tashkil etildi. U bo’sh yer uchastkalarida loyihalarni amalga oshirish, davlat-xususiy sheriklik va renovatsiya vazifalari bilan shug’ullandi. Bu poytaxtda PPP va renovatsiya loyihalarini amalga oshirish uchun soddalashtirilgan tartiblarni, shuningdek, «hayot sikli shartnomasi» asosida hamkorlikni tasdiqlash imkonini berdi.

Taqdimotda poytaxtning sanoat salohiyatini oshirish va ilg’or texnologiyalar asosida ishlab chiqarishni yo’lga qo’yish maqsadida «yangi avlod» maxsus sanoat zonasi tashkil etilgani haqida ma’lumot berildi.

664,5 gektar maydondagi sanoat zonasi doirasida $1,5 mlrdlik to’g’ridan-to’g’ri xorijiy investitsiyalarni jalb qilish, 2,5 ming yangi ish o’rni yaratish, yiliga 1 trillion so’mdan ortiq sanoat mahsulotlari ishlab chiqarish va $5 mlnlik eksport qilish rejalashtirilgan.

Moliya va biznes haqida ko'proq yangiliklar Telegram kanalda @KPTLUZ

tg

Mavzu bo'yicha materiallar

Prezident farmoni bilan bir nechta davlat idoralari xodimlari lavozimlari o‘zgartirildi
/
Prezident farmoni bilan bir nechta davlat idoralari xodimlari lavozimlari o‘zgartirildi
Prezident Administratsiyasida 284 ta shtat qisqartirildi
/
Prezident Administratsiyasida 284 ta shtat qisqartirildi
Markaziy bank “Citibank AS” vakolatxonasini akkreditatsiyadan o‘tkazdi
/
Markaziy bank “Citibank AS” vakolatxonasini akkreditatsiyadan o‘tkazdi