O‘rta tadbirkorlik subyektlari 10 oyda 20 trln so‘mdan ortiq soliq to‘lagan

Eng ko’p soliq to’lagan “Raupxon” MChJ bo’ldi

Фото: Абдумавлон Мадмусаев / Kapital.uz

Joriy yilning yanvar-oktyabr oylarida 19 206 ta o‘rta tadbirkorlik subyekti tomonidan 20,5 trln so‘mdan ortiq soliq to‘langan. Bu haqda Soliq qo’mitasi xabar berdi.

Bu ko’rsatkichining 352,7 mlrd so‘mi 20 ta korxona hisobiga to‘g‘ri keladi. Ularning jami tovar aylanmasi 1,5 trln so‘mdan ziyod, qo‘llagan soliq imtiyozlari esa 23,8 mlrd so‘mni tashkil etgan.

Ular tomonidan ta’minlangan tushumlar soliq turlari kesimida:

QQS — 134,7 mlrd so‘m;
foyda solig’i — 58,8 mlrd so‘m;
aksiz solig’i — 55,5 mlrd so‘m;
JShODS — 47,8 mlrd so‘m;
ijtimoiy soliq — 40,7 mlrd so‘m;
boshqa soliqlar — 15,3 mlrd so‘m.

Eng ko’p soliq to’lagan o’rta tadbirkorlar reytingida birinchi o’rinni “Raupxon” MChJ, ikkinchi o’rinni “Qurilish Invest Development” MChJ va uchinchi o’rinni “Davr Oil Trade” MChJ egallagan.

Bundan oldin, “Yandeks”ning yillik soliq tushumlari 125 mlrd so’mni tashkil etgani haqida xabar berilgandi.