O‘zbekiston va Tojikiston chegarasida ikkita yangi o‘tkazish punkti ochildi

10 avgustdan boshlab O‘zbekiston-Tojikiston chegarasida ikkita yangi o‘tkazish punkti ochildi: Toshkent viloyatida “Bekobod Avto” va Sirdaryo viloyatida “Xovosobod”.

Ushbu punktlarda uchinchi davlat fuqarolari va transport vositalarining o‘tishiga 24 soat xizmat ko‘rsatiladi. Umuman olganda, ikki davlat o‘rtasida 17 ta o‘tish punkti mavjud bo‘lib, ularning aksariyati xalqaro maqomga ega va 24/7 ishlaydi.