Yandex Uzbekistan sun’iy intellekt asosida yangilangan “Qidiruv” xizmatini taqdim etdi

Yandex Uzbekistan yangilangan Yandex Search xizmatini taqdim etdi. Endi xizmat o‘zbek tilida o‘qitilgan neyron tarmoqlardan foydalanadi.

Shu tufayli Yandex Search xizmat foydalanuvchi bergan o‘zbek tilidagi savollarga qisqa va mazmunli javoblar tayyorlab, ularni chat orqali taqdim etish hamda ma’lumotni aniqlash qobiliyatiga ega bo‘ldi.

Rus va ingliz tillaridagi kontentni o‘zbek tiliga tarjima qilayotganda esa milliy kontekstni ham hisobga oladi.

Yangi funksiya yandex.uz saytining bosh sahifasida bepul taqdim etilgan. Foydalanuvchi savoliga javob — qidiruv natijalarida veb-saytlar havolalaridan yuqorida paydo bo‘ladi. Bungacha neyron tarmoqlar so‘rovni tahlil qiladi va agar turli manbalar asosida qisqa va foydali javob berish mumkin bo‘lsa, shuni taqdim etadi.

Shuningdek, qidiruv satri ostidagi Yandex AI tanlovini bosish orqali siz har qanday holatda neyrosetlar tomonidan tuzilgan javobni olishingiz mumkin. Javob taqdim etilgandan so‘ng, savolni aniqlashtiruvchi qo‘shimcha savollarni berish imkoni ham mavjud.

Yangilangan Yandex Search tufayli o‘zbek tilida 11,6 mlndan ortiq matnlar foydalanish uchun ochiq. Ular orasida Wikipedia materiallari va IT mutaxassislari uchun xalqaro savol-javob platformasi bo‘lgan Stack Overflow ham bor.