Behzod Abdurahmonov O’zbekistonda «Visa» rahbari bo’ldi

U kompaniyada deyarli to'rt yildan beri ishlaydi

«Visa» to’lov tizimi Behzod Abdurahmonovni O’zbekistonda rahbar etib tayinladi. Bu haqda Kapital.uz’ga kompaniya matbuot xizmati xabar berdi.

Yangi lavozimida u O’zbekistonda «Visa» biznesini boshqarish, bozorni rivojlantirish strategiyasini ishlab chiqish va amalga oshirish, shuningdek, hamkorlarga qulay va xavfsiz raqamli to’lovlarga bo’lgan talabni qondirishga yordam beradi.

Abdurahmonov «Visa»da 2020 yilda O’zbekiston va Turkmaniston banklarida biznesni rivojlantirish bo’yicha menejer sifatida ish boshladi. Bundan oldin u chakana bank biznesi, innovatsiyalar, shuningdek, kartalar va to’lov tizimlari sohasida 15 yildan ortiq tajriba to’plagan.

Visa uchun O’zbekiston strategik muhim bozor hisoblanadi. O’tgan yili kompaniya Toshkentda o’z ofisini ochdi.