“Utair” aviakompaniyasining Samarqandga parvozlari bekor qilindi

“Utair” aviakompaniyasi bir qator xalqaro reyslarni, jumladan, O‘zbekistonga ikki yo‘nalish bo‘yicha parvozlarni amalga oshirish ruxsatidan mahrum bo‘ldi. Bu haqda RBK nashri Federal havo transport agentligi ma’lumotlariga tayanib xabar bermoqda.

Bekor qilingan yo‘nalishlardan biri Tyumen – Samarqand reysi bo‘lib, kompaniya endilikda Tyumen va Surgutdan Samarqandga haftada uch marta amalga oshirilgan reyslarni bajara olmaydi.

Bundan tashqari, aviakompaniyaning Ufa – Tel-Aviv va Moskva – Marokash (Marrakesh) yo‘nalishlaridagi xalqaro parvozlari ham taqiqlangan.