O‘zbekistonga sayohat maqsadida 785 mingga yaqin xorijliklar tashrif buyurgan

2025 yilning yanvar-iyun oylarida jami 783,7 ming nafar chet el fuqarolari sayohat maqsadida O‘zbekistonga tashrif buyurgan. Bu haqda Milliy statistika qo‘mitasi ma’lum qildi.

Bu ko‘rsatkich o‘tgan yilning mos davriga nisbatan 255,1 ming nafarga yoki 48,3 % ga oshgan.

Joriy yilning 6 oyida O‘zbekistonga sayohat maqsadida kelgan chet el fuqarolari mamlakatlar bo‘yicha quyidagicha:

• Rossiya — 166,6 ming nafar;
• Turkmaniston — 123,0 ming nafar;
• Qozog‘iston — 77,7 ming nafar;
• Qirg‘iz Respublikasi — 71,6 ming nafar;
• Tojikiston — 49,1 ming nafar; 
• Xitoy — 39,1 ming nafar;
• Turkiya — 29,3 ming nafar;
• Hindiston — 22,0 ming nafar;
• Italiya — 18,6 ming nafar;
• Janubiy Koreya — 14,9 ming nafar;
• Germaniya — 14,7 ming nafar;
• AQSH — 13,2 ming nafar;
• boshqa davlatlar — 143,9 ming nafar.