Samarqandda $12 mlnlik yangi avtovokzal ishga tushdi
Avtovokzal bir vaqtda100 ta avtobus, 150 ta mikroavtobus va 300 ta yengil avtomobilni qabul qila oladi
Cho‘pon-ota hududida qurilgan va davlat-xususiy sheriklik asosida barpo etilgan yangi Samarqand avtovokzali tantanali tarzda foydalanishga topshirildi, deb xabar bermoqda Transport vazirligi.
Loyihaga $12 mln miqdorida investitsiya yo‘naltirilgan va u zamonaviy arxitektura, energiya tejamkor yechimlar va yuqori xavfsizlik standartlari asosida amalga oshirildi.
Avtovokzal bir vaqtning o‘zida 100 ta avtobus, 150 ta mikroavtobus va 300 ta yengil avtomobilni qabul qilishga mo‘ljallangan.
Yangi avtovokzalning ishga tushirilishi natijasida 300 nafar aholi uchun doimiy ish o‘rni yaratildi.
Avtovokzaldan Toshkent, Jizzax viloyatlariga avtobuslar harakati amalga oshirilmoqda. Shuningdek, Toshkent shahridan Buxoro, Navoiy, Xorazm, Qashqadaryo, Surxondaryo viloyatlariga qatnovchi avtobuslar ham mazkur avtovokzal orqali harakatni davom ettirmoqda.
Ulashish:
Moliya va biznes haqida ko'proq yangiliklar Telegram kanalda @KPTLUZ
Mavzu bo'yicha materiallar
