O‘zbekiston va Qirg‘iziston Qozog‘istonga 600 mln kub metr suv yuboradi

O‘zbekiston va Qirg‘iziston mamlakat janubida sug‘orish tanqisligini bartaraf etish uchun Qozog‘istonga 600 mln kub metr suv yuboradi. Bu haqda Qozog‘iston bosh vaziri o‘rinbosari Kanat Bozumbaev ma’lum qildi.

Bozumbaevning so‘zlariga ko‘ra, davlatlar o‘rtasida avval erishilgan kelishuvlar qishloq xo‘jaligi ehtiyojlari uchun zarur suv hajmini ta’minlash imkonini beradi.

Avvalroq Qozog‘iston va Qirg‘iziston vakillari bilan barcha zarur muzokaralar o‘tkazilgan edi. Oldinroq Qozog‘istonga suv yetkazib berish jadvalidan 1 mlrd kub metrdan ortiq orqada qolish holati qayd etilgandi.

Qozog‘iston vitse-premyeri, shuningdek, 2025 yilda Markaziy Osiyoda murakkab iqlim sharoitlari — suv kamligi, yozgi haroratning yuqoriligi va yog‘ingarchilikning yetishmasligiga e’tibor qaratdi. Bu esa suv kelishining kamayishi fonida dehqonchilikda suv sarfining ortishiga olib keldi.