O‘zbekistonda issiq havo tufayli poyezdlar tezligi cheklanadi

O‘zbekistonda anomal issiq tufayli relslarda harorat ko‘tarilishi sababli shaharlararo poyezdlar harakati tezligi cheklanadi, deb xabar berdi “O‘ztemiryo‘lyo‘lovchi” kompaniyasi matbuot xizmati. Choralar yo‘lovchilar xavfsizligini ta’minlash uchun ko‘rilmoqda.

Ayni kunlarda respublikamiz hududida keskin issiq ob-havo kuzatilmoqda. Harorat ko‘tarilishi natijasida yerusti temir yo‘llarining relslari hamda ularning po‘lat qismlarida harorat juda yuqori bo‘lishi inobatga olindi, — deyiladi xabarda.

Harakat tezligiga cheklovlar o‘rnatilgan poyezdlar sovitish tizimining ishlash quvvati pasayishi mumkinligini ma’lum qilamiz, deya ta’kidladi kompaniya. Shuningdek, tezligiga cheklovlar o‘rnatilgan poyezdlar harakat jadvalida ko‘rsatilgan vaqtdan kechroq manzilga yetib borishi mumkin.

“O‘zgidromet” prognoziga ko‘ra, ushbu ish haftasi davomida O‘zbekiston bo‘yicha havo harorati +40…+42 darajagacha, janubda va cho‘l hududlarda +43…+44 darajagacha ko‘tarilishi kutilmoqda.