YETTB O’zbekiston iqtisodiyotining o’sish prognozini 6%ga tushirdi

Yevropa tiklanish va taraqqiyot banki (YETTB) 2024 va 2025 yillarda O’zbekiston iqtisodiyotining 6%ga o’sishini prognoz qilmoqda. Bu haqda bank hisobotidan ma’lum bo’ldi.

Belgilangan o’sish darajasiga erishish uchun bozor islohotlarini davom ettirish va infratuzilmaga sarmoya kiritish zarur bo’ladi. Biroq, mineral yoqilg’i importining ko’payishiga olib kelgan mavjud energiya tanqisligi mamlakatning iqtisodiy salohiyatini cheklashi mumkin.

Shuningdek, YETTB hisobotida Yevropa, Kavkaz, Markaziy Osiyo va Shimoliy Afrikaning rivojlanayotgan bozorlari iqtisodiyoti 2024-yilda 2,8%ga, 2025-yilda esa 3,5%ga o’sishi prognoz qilingan. Avvalroq, may oyida 3% va 3,6% o’sishi kutilgan edi.

Prognozning pasayishi bir necha omillar bilan bog’liq: Yevropaning rivojlangan mamlakatlari iqtisodiyotining zaiflashishi, Qozog’iston va O’zbekistonda foydali qazilmalarni qazib olishda turg’unlik, G’azo sektoridagi davom etayotgan mojaro va Marokash va Tunisdagi jiddiy qurg’oqchilik.