O‘zbekistonda Litvaning yuk transporti haydovchilari va mexaniklarini tayyorlovchi o‘quv markazi ochiladi

Migratsiya agentligi Litvada tashkiliy tartibda ishga joylashtirish ko‘lamini oshirishga qaratilgan hamkorlik memorandumi imzoladi. Bu haqda agentlik matbuot xizmati xabar bermoqda. 

Xabarda aytilishicha, Litva “Sanoatchilar konfederatsiyasi” a’zolari bilan hamkorlikda O‘zbekistonda Konfederatsiya tarkibiga kiruvchi “GIRTEKA” va “TVG Groupe” kompaniyalari bilan hamkorlikda yuk transporti haydovchilari va mexaniklarini tayyorlovchi o‘quv markazlari tashkil etiladi.

Birinchi bosqichda 200 nafar o‘zbekistonlikni o‘qitish va ularni Litvadagi bo‘sh ish o‘rinlariga joylashtirish rejalashtirilgan.

Agentlik ma’lumotlariga ko‘ra, “GIRTEKA” kompaniyasida 4000 ta yuk mashinasidan iborat avtopark mavjud, “TVG Groupe” esa 800 ta yuk mashinasiga ega.