Bo‘stonliqda 20 MVt quvvatga ega Chorvoq shamol elektr stansiyasi qurilishi boshlandi

30-iyul kuni Toshkent viloyatining Bo‘stonliq tumanida quvvati 20 megavattga teng bo‘lgan “Chorvoq shamol elektr stansiyasini qurish” loyihasi qurilishiga start berildi

Loyihani ishga tushirish muddati 2025-2026-yillarga rejalashtirilgan.

Elektr stansiya ishga tushirilgach, yiliga o‘rtacha 50 mln kVt/soat elektr energiyasi ishlab chiqariladi. Buning natijasida 15 mln kub metr tabiiy gaz iqtisod qilinishi va atmosferaga 22 ming tonna zararli gazlar chiqarilishining oldi olinadi.

Mazkur elektr stansiya orqali qariyb 20 ming xonadonni elektr energiyasi bilan ta’minlash imkoniyati yaratiladi.