O‘zbekistonda “chiroyli” mobil raqam 850 mln so‘mga sotildi

O‘zbekiston respublika tovar-xom ashyo birjasining “Mobilraqam” platformasida o‘tkazilgan auksionda Beeline’ning (+998) 91 000 00 00 raqami sotildi. Savdo 8-avgust kuni boshlangan bo‘lib, 15-avgustda yakunlandi.

Bir hafta ichida raqam narxi 500 mln so‘mdan 850 mln so‘mgacha, ya’ni 70% ga oshdi. Auksion g‘olibi 50 mln so‘m zakalat puli va 27 mln so‘m vositachilik to‘lovini to‘laydi. Shuningdek, raqamni rasmiylashtirish 10 ish kuni ichida amalga oshiriladi.