O‘zbekistonda Binance’da ro‘yxatdan o‘tish va savdo qilish: qadamma-qadam yo‘riqnoma

Kapital.uz O‘zbekistondagi rasmiy hamkor – CoinPay kompaniyasi orqali Binance platformasida ro‘yxatdan o‘tish bo‘yicha sodda va tushunarli yo‘riqnoma tayyorladi.

1. CoinPay saytida ro‘yxatdan o‘tish
   

• Rasmiy saytga o‘ting: coinpay.uz.
• “Ro‘yxatdan o‘tish” yoki “Sign Up” tugmasini bosganingizdan so‘ng Binance saytiga o‘tiladi.
• Elektron pochta manzilingizni kiriting, ishonchli parol yarating va boshqa zarur ma’lumotlarni to‘ldiring.
• Elektron pochtangizga kelgan yo‘riqnomalarga amal qilib, ro‘yxatdan o‘tishni yakunlang.

2. Akkauntni verifikatsiya qilish

Akkauntga kirgandan so‘ng quyidagi qadamlarni bajaring:

• “Verifikatsiya” bo‘limiga o‘ting.
• Shaxsni tasdiqlovchi hujjat fotosuratlarini yuklang (pasport, ID-karta yoki haydovchilik guvohnomasini).
• Yuzni tanish jarayonidan o‘ting. Ekranda ko‘rsatiladigan ko‘rsatmalarga amal qiling, masalan:
• ko‘z qoqish;
• boshni burish yoki egish.

3. Tasdiqni kutish

Tekshirish jarayoni taxminan 15 daqiqa davom etadi. Yakunida siz quyidagi yo‘llar orqali xabardor qilinasiz:

• elektron pochtangizga bildirishnoma orqali;
• Binance ilovasi orqali (agar o‘rnatilgan bo‘lsa).

4. Hisobni to‘ldirish

Verifikatsiya muvaffaqiyatli yakunlangandan keyin hisobingizni quyidagi yo‘llar orqali to‘ldirishingiz mumkin:

• bank kartasi orqali;
• milliy to‘lov tizimi orqali.

5. Binance xizmatlaridan foydalanish

Hisobni to‘ldirgandan keyin mablag‘laringiz so‘mda mavjud bo‘ladi. Siz quyidagilarni bajara olasiz:

• CoinPay va Binance integratsiyasidan foydalanish;
• to‘g‘ridan-to‘g‘ri platforma orqali kriptovalyutalarda savdo qilish.

Muhim

Barcha operatsiyalarni faqat rasmiy coinpay.uz sayti orqali amalga oshirish tavsiya etiladi. Boshqa xizmatlardan foydalanish O‘zbekiston qonunchiligiga zid kelishi va huquqiy javobgarlikka olib kelishi mumkin.

Kriptoaktivlar bilan operatsiyalar yuqori xavfga ega, chunki ularning qiymati o‘ta o‘zgaruvchan bo‘lishi mumkin. Foydalanuvchilarga savdoni boshlashdan avval raqamli aktivlar bilan ishlash xususiyatlarini sinchiklab o‘rganish va moliyaviy xavflarni inobatga olish tavsiya etiladi.