O‘zbekistonda banklarning kredit portfeli 581 trln so‘mdan oshdi

2025-yil 1-sentabr holatiga ko‘ra, O‘zbekiston tijorat banklarida muammoli kreditlar (NPL) darajasi 3,75%ni tashkil etdi. Bu haqda Markaziy bank hisobotida qayd etilgan.

Umuman olganda, bank sektorining kredit portfeli 0,8% ga o‘sib, 581 trln so‘mdan ($47,2 mlrd) oshdi.

Davlat ulushiga ega banklar umumiy kredit portfelining 70% ini (395 trln so‘m) tashkil etmoqda va ularning NPL ulushi 3,77% darajasida qayd etilgan. Xalq banki (1,49%) hamda Ipak Yo‘li banki (1,46%) kabi yirik banklarda muammoli kreditlar ulushi doimgiday past natijani qayd etgan.

Biroq, xususiy banklarda xavotirli tendensiya kuzatilmoqda. Jumladan, TBC Bankda muammoli kreditlar ulushi 5,15%, Anor Bankda 4,34%, Davr Bankda esa 3,77%ni tashkil etgan.

2025-yil avgust oyi uchun banklarning muammoli kreditlari ulushidagi sezilarli oʻzgarishlar:

• O’zMilliybank — 3,6% dan 2,9% gacha;
• Agrobank — 3,7% dan 3,4% gacha;
• Xalq banki — 3,9 foizdan 3,7% gacha;
• Ipoteka-bank — 6,5% dan 6,1% gacha;
• Garant bank — 14,7% dan 12,9% gacha;
• AVO bank — 9,8% dan 9,2% gacha;
• Yangi bank — 9,8% dan 8,9% gacha;
• TBC Bank — 4,6% dan 5,2% gacha;
• Turon bank — 2,4% dan 4,2% gacha.